يا عظيم الملك يا جبار يا متعالي
يا كريم الجاه ترحمني وترحم حالي
الجماله مقصدي ياربي تجملني
جعل قولي لا هرجت مطابقٍ لافعالي
كثرو اللي يطلبون المدح ماهم قده
واكثر الشعار قالو شي ما ينقالي
يمدحون الهافي اللي ما تبين فعوله
يتركون الذرب راعي الصيت حامي التالي
والحقيقه واضحه والناس ما تجهلها
تالي الايام شاخوا جامعين المالي
فـ سود الله وجه رجل ما يجود بماله
و بيض الله وجه نادي الراح ريف الجالي
و من يبى الشعار تمدح ذاته وتفخربه
لا يصك الباب بالاقفال والزرفالي
قالها المتنبي الله يرحمه ويبيحه
الكرم يفني الدراهم والسطر قتالي
اشعب اخذوه العرب للطرفه وللندره
وحاتم الطائي بجوده تضرب الامثالي
وانا طبعي امدح الاجواد واقدرهم
واعبد ربي تعالى ماعبدت ريالي
والشوارد ما تعجزني ولا تفحمني
كل ما اندبها تطاوع لحني وموالي
وانت يزهاك المديح الراهي المتميز
يا ولد فواز يا راعي المقام العالي
انت مقدام الصفوف ومدهل الطرقيه
منصى شرهين المقاصد مبعدة الامالي
جاذبوك اهل النبا الطيب عذاب الحايف
وارّثوك الحمل وانته للحمل شيالي
حملهم مجد تليد ما يشيله غيرك
لو يحاول في ولد الاش ما يحتالي
رايتك بيضا وتاريخك يشرف ربعك
وحصنك المعمور لا يهدم ولا ينهالي
في جلوسك عزه وطنخه وهيبة حاكم
وفي وقوفك نايف قمته ما تنطالي
وفي دواوينك يساق العود والبريه
وفي صوانيك الشحم من ضان ولا جمالي
اكرم الاكرام ما جاروك يا حاتمنا
صفطو من غبنهم يمين ولا شمالي
عيلم نضاح تروي جمته وراده
وترجع الجدبا بمدك من عقب لمحالي
غشمري كل ما تكبر يحل عقدها
لانتهى من حل الاول قال هات التالي
جارك الله من صدوف الوقت يبن عمي
والليال تناضل الاحرار والابطالي
وارحبو حياكم الله في محله بسمه
رحب يشمل من حضر مالجال لين الجالي
واسم ربعه داعي ال مطاع واحد واحد
واسم شمران العناصي نكبة العيالي
اهل ضرب المرت واهل الفزعه المعروفه
عون من صكت عليه بجورها الاهوالي
حرقو في بيشة الفيحا وترج ولية
كلمة ابن ثواب تنقلها عنه الاجيالي
امتمثنين الفخر بالباتع وبالشلفا
فخرنا بين المفاخر طاغي ومختالي
دون حد غروسنا ما ينثني فارسنا
كم مشورب عندها دق انحره طوالي
لاركبنا كل ملجومة حنك مسروجه
ما تحمل وقعنا رجلي ولا خيالي
ندرع الرجال في وجهه ما حن نختلبه
لا رحم جد الضعيف العاجز الختالي
و نرهي المدات ونكرم سبال الطيب
و عاد بقعا في مهدها نكرم الهشالي
حاضر وماضي مشرف ندعمه ونزيده
ما تباكينا من الحسره على الاطلالي
عز يامال المعزه يا ذراي ودرعي
فعلكم يطلق لسان الاولي والتالي

– محمد بن جروان الشمراني