تداول مستخدموا شبكات التواصل الإجتماعية قصيدة مدح وثناء للاديب والشاعر مسفر بن علي الشمراني قالها في الرقيب سعد بن عبدالله الشمراني بعد العمل البطولي الذي قام به، وما أن وصلت للشاعر محمد بن ظافر ” ابوسامي” حتى رد عليها بقصيدة اعجابا منه،،،
نسأل الله النصر والثبات لجنودنا المرابطين على الثغور وأن يحفظ بلادنا من كل سوء،
الإهداء: للبطل سعدبن عبدالله آل سربة الشمراني
١/ نحمدالله دون حد المملكة كل يفادي
بس بن سربة وقف وقفة شجاع مستميته
٢/ والله اني لاعتزي باللي فعل فعله وانادي
وباسم شمران افتخر والقاف يا دوبي بنيته
٣/ في عجب رجل وقف له موقف ماهو بعادي
احتمى الموقف ورد المعتدين وذاع صيته
٤/ احتمى ضرب الرصاص وقال سمي يا بلادي
كل شبر من ثراك بدمي الطاهر فديته
٥/ والله أني ما تزحزح شبر حيا عالجهادي
وكان للموت المحتم سوق بعته واشتريته
٦/ بيض الله وجهه اللي بان قدام الأعادي
يوم ولد اللاش لا منك بغيته ما لقيته
٧/ ذاك ابن سربة سعد والنعم ياصقر الهدادي
كيف ننسى موقفه لاوالله الا مانسيته
٨/ يا جميل الفعل يا عطر النباذيب المبادي
جدك يرد المعادي وانت للمجد اقتفيته
٩/ آل سربه اسمهم يكفي ليا نادى المنادي
وفعلهم يعرف ليا هاب الذليل وصك بيته
١٠/ ولابتك شمران والتاريخ ما ينسى العوادي
وانت فعلك لو مدحته بالقصايد ما وفيته
مسفر بن علي بن مسفر الشمراني
—–
إعجاب ومجاراة للشاعروالأديب / مسفر علي :
١/ قبل ماجهز عتاد السالفه واسرج جوادي
بيض الله وجه من يطربك قافه لاقريته
٢/ شاعرن شعره يدرس في المدارس والنوادي
والرجال أهل المعرفه تعرفه من قو بيته
٣/ ان مدح مايمدح الا مثل شالح والمهادي
وان وقف في موقفن سد اللزوم ولاقفيته
٤/ وش يقول الشعر عن شبلن لطم عين المعادي
وهو يدري اني ولو بالغت في مدحه هجيته
٥/ ياسعد صيتك من البارح تناقله الروادي
كلن يقل في الصحف شفته وفي الشاشات ريته
٦/ فارسن يوم ادلهم الخطب واظلم كل وادي
قال لعيون الوطن ، يامن دعيته وانتخيته
٧/ امتطى سيارة الرشاش واجتر الزنادي
والجثث قامت تناطل م السيال وم البهيته
٨/ ياسعد والفخر يسري بي مع رايح وغادي
مابقى رجم ن مشرف مارقيته واعتليته
٩/ انا واحد من خوالك وانت واحد من ولادي
والطريق اللي مشاه أبوك وأخوالك مشيته
١٠/ بوك في الجولان سموه الغضنفر والمفادي
وانت صنت الحد في ظهران وبصدرك حميته
________
الشاعر محمد بن ظافر (ابوسامي)