يالله يامنزل تبارك وياسين
ياباعث محمد لنشر الرساله
احفظ بلدنا من شرور الشياطين
اهل البدع واهل الفتن والظلاله
وانصر حكومتنا وهد المعادين
اللي تبين حقدهم والنذاله
سلام ياحكامنا يالسلاطين
ياهل الزعامه والسطر والشكاله
ال السعود اللي على منهج الدين
موحدين المملكه بالعداله
ارسوا دعايمها وبالحق بانين
ومروضين اللي براسه جهاله
وسلام يالشعب السعودي ملايين
ياهل الوفا واهل الشيم واهل قاله
وسلام لجنود على الحد وافين
دون الوطن مايحسب الرجل حاله
لاجل الوطن والعيد تسع وثمانين
يحيا وطنا تحت هيبت رجاله