يا ملكنا بوفهد يا الإمام ابن الإمام
القلوب بحبك وطاعة امرك ترتوي
يا زعيم العرب والحكم بيديك استقام
سيفك الاجرب بيمناك يردع من غوي
شرفك ربي بخدمتك للبيت الحرام
والسيادة تحت بشتك تلوذ وتنتوي
وقايد النهضه محمد كما بدر التمام
له جنابْ مهابْ وسطوعٍ ونهجٍ سوي
الشباب المتّقد في دمه نار وضرام
نحو مستقبل مشرّف وحاضر نخبوي
نظرته تضفي له الهيمنة والاحترام
كنّها في نظرة العين تتلامع نوي
يا وطنا لا تهمك خفافيش الظلام
ما لها حيل ٍيبرّع ولا عزمٍ قوي
كل ما حاكت ودارت وازالنّ اللّثام
في مرابيض الخيانه توقع وتهوي
خططت بالغدر فينا وبث الانقسام
وخابت وعيّت لها تستقيم وتستوي
تحسب انّا ما صحينا وفالغفله نيام
والذيابه تقنب وفالرجوم لها عوي
يا سلامي يا دروع الوطن واغلى وسام
يا جيوشٍ دونها الشعب كله منضوي
يا سلامي يا رجال المواقف والزحام
يا ليوثٍ فالفضا صوتها يدوي دوي
تاكل اكباد العدا تنزع قلوب اللّيام
وتردع اصحاب الرذيله وتكويها كوي
ندفع الارواح والارض تبقى ما تضام
والتراب بدمنّا الأحمر الزاكي روي
ننتمي للدار وطموحنا فوق الغمام
ونرفع البيرق سعودي وشبّينا الضوي
ولا حجب من دون نظراتنا غيم وعسام
نبذل المجهود وآمالنا ما تنزوي
الصفوف توحدت في تماسك والتحام
ضد هجمات المحرض وصوت الفوضوي
من خلقنا الله وحنا على ذروة سنام
والوطن لارضه وشعبه يمد ويحتوي
ما تزعزعنا المحن والمهمات الجسام
والبطل ما ينخدع والصقر ما ينشوي
يا وطنا الغالي نعيش لبلوغ المرام
والطموح يعانق السحب والليل سروي
البلاد بخير والخير عامٍ بعد عام
والعداله ضد من لا يتوب ويرعوي
كلنا شعب وقيادة حماة ارض السلام
نسلك آفاق المعالي ونطويها طوي

الشاعر/خلف صهبان ال خليفة الشمراني
{شمران تهامة/قرية غدنة}