يالله يامعبود ياعالي الشان
يامرسل الهادي بنور الشريعه
تحفظ وطنا من غدر كل خوان
وترد كيد أهل النفوس الوضيعه
ويارب تحفظ خادم البيت سلمان
أبو فهد و الشعب كله يطيعه
نمضي معك ياسيدي عبر الأزمان
عهدن علينا ذا البلد ما نبيعه
وولي عهد المملكه صقر شيهان
يرقى على متن الغيوم المريعه
لجل المواطن يعمل بجد و إتقان
و المعتدي يلطمه لطمه شنيعه
و إن جات نعرات التفاخر بالأوطان
يكفي بلادي منزلتها الرفيعه
عندي على ما أقول شاهد وبرهان
إنشد حقل حتى تصل للوديعه
جيشن يشرف لاوطى كل ميدان
يطرب لطبل الحرب لا جاء قريعه
الروح دون أعراضنا مالها أثمان
وصدورنا ما ضاقت إلا وسيعه
نقدم على حوض المنايا وشجعان
وقت اللقى حنا السيوف البريعه
وختامها ياسيدي بأسم شمران
أهل الحصون النايفات المنيعه
نفداك ياسلمان شيبن و شبان
في القلب لك منزل وفي العنق بيعه
الشاعر/عايض عبدالرحمن ال معيض الشمراني
{شمران تهامة/قرية نقمة}