باسم الإله أبدى جميع التدابير _
والعين من مبطي وحظي دمرها

دام السهر لعيون سيد الغنادير _
أرض العطش فيني تدور مطرها

طولي بفكري ياطوال المشاوير _
في ليلة ماكل عاشق سهرها

يبات همي في العيون المساهير _
وأنا خذيت من الليالي كدرها

عزي لمن مثلي تلقى المعاسير _
وعزي لمن عينه بيده سطرها

كن الفراش أطراف موس ومسامير _
وعيت ليالي العمر يظهر قمرها

ياأهل الهوى وش فايدتها المعاذير! _
واللي حصد ذاك الثمر مابذرها

مافات فات ولا بقي لي مداوير _
والميتة ماعاد ينفع خبرها

لكن أبي للي دهاني تفاسير _
راحت وعيت رجلي ألا سفرها

راحت وأنا راضي بحكم المقادير _
ولابقا غير الدموع وصورها

راحت وأنا شعري يتيم التعابير _
وأبيات شعري ماتلاقي بحرها

عجزت أبرر للفراق المحاذير _
وعجزت أغير في فؤادي أثرها

عجزت والكايد لمثلي تياسير _
ألا الهوى طوع شيوخ وقهرها

ياأكبر حكاية حب فيها التباشير _
والحسد خلا مهدها هو قبرها

بأموت وهمومي توارد طوابير _
ولا الخواطر سامحت من كسرها

الشاعر :
عبدالله بن علي جروان الشمراني