يالسعودية اطربي

يالسعودية عسى أيامك سعود

                 يالديار اللي غمرنا حبّها

الينابيع الجميلة والسدود

        والجبال اللي اكتست من عشبها

أرضك اللي تزينت فل وورود

         والبحر باللؤلؤ جمّل غربها

يالسعودية اطربي وارقي سنود

          والهلاك لمن تمنى حربها

حنّا شعبك من عهد أبّ وجدود

           نقلب الفتنة على من شبها

وان حصل في الوقت برّاق ورعود

                 السعودية حرسها ربها

ياوطن إن كان دونك مانذود

               مانبي طعم الحياة وشربها

حنّا من دون الوطن نحمي الحدود

                نكحل عيون العدو ونطبها

ياوطن وحّدك أسد وانجب أسود

                خلت العدوان تجهل دربها

وحّدك ابو تركي والعالم شهود

              ماحسب سود الليالي وكربها

وحّدك وقت الركايب والشدود

                 واعلن الدولة وبايع شعبها

الشاعر الدكتور/ حامد غندور ال جابر الشمراني
{شمران تهامة / ال مطاع }