قصيدة مهداة من الشاعر : ناصر بن هذال الشمراني إلى سعادة العميد الركن متقاعد : عبدالعزيز بن حمدان آل مجبّر الشمراني

يالله ياعالم خفيات الأسرار

ياعالم أحوالي وما أعلنت وأخفيت
يا ذالجلال الخالق النافع الضار

يا الواحد إللي ما لغيرك ترجيت
أنك تحفظنا من منافق وغدار
أهل العقول الناقصات الشماميت
أهل الحسد يامال قصّاف الأعمار
يارب تمحاهم جموع وتشاتيت
سلام مني عد همال الأمطار
وأعداد ماأحرم محرم ن بالمواقيت
ينصى الرجال اللي لهم بالوفاء كار
فزعة ضعيف ن ماله إلا التناهيت
ينصى آل حارث ربعنا سر وجهار
على كرمهم يشهد الحي والميت
وأخص بن حمدان تفداه الأشرار
إللي تدور للردى والتلافيت
زيزوم قوم وقدم يمين ويسار
عبدالعزيز المجد والجود والصيت
يانسل عود ن له مع الطيب مشوار
حمدان عبدالله مغيث المفاليت
شيخ ن من آل مجبر طوال الأشبار
خزم النفوس النازيات الطواغيت
أنسي وناسي عن هل الذل العار
أجود من جوداتهم ما تمنيت
لا غطرفت بنت العرب والبلا ثار
ربعي بعد ربعي بها أصبحت وامسيت
على الطريق الدولي بعشرة أمتار
عبدالعزيز مشرع ن مجلس البيت
ليث ن يغيث الكهل والضيف والجار
على طريقك في عجبه لو تمشيت
أقلط وعد ومرحبا ً فيك مليار
في مجلس ن ما دنسوه السرابيت
ياصامل الوقفات يا رمز الأخيار
على علوم أولاد حارث تربيت
ونهجت نهج العود مشهور الأذكار
ما طالك النسيان وألا ترديت
الله يمنع والدينك من النار
مارحت مع الانذال حاشى ولاجيت
شاعر وقسمي وافي ن” في هل الدار
وتهيظت بنات فكري وغنيت
لو كان رجلي ما تحرك ولا سار
عن الهموم وضيقة الصدر سجيت
المدح في حظرة جنابك والأشعار
تزهابكم ويحق لي أصهر البيت
وانت فطين ومن بعيدين الأنظار
في قمت العليا رقيت وتعليت
هذي علومي يا سند كل محتار
الكفو يا الطيب على ما تهقويت
والله يجيرك من صواديف الأقدار
آمين يارحمن يا حامي البيت

الشاعر : ناصر خشير الشمراني